سنين الصمت مكبوته / بقلم الاستاذ / سامي محمود حنفي

سنين الصبر مكبوتة
عايزة تنطق م الالم
عايزه تخرج م الشرنقه
تنهي ظلم اللي اتظلم
يضوي النهار بضيه فعلا
يكون حقيقي مش مكلمة
سنين الصبر مكبوته
عايزه تنطق م الالم

سنين عيشناها والكدبة
مستمره لسه هيا
ان بكره حيبقى احلى
ونفس فصول المسرحية
والغريبة اننا
سعداء بدورنا للضحية
سنين الصبر مكبوته
عايزه تنطق م الالم

اللي فينا ده يبقى صبر
والا بلادا وخوف مننا
زي خيال المآته
فاكر الطير مصدقه
لكنه واقف ك الصنم
واحنا برضوا بنعشقه
سنين الصبر مكبوته
عايزه تنطق م الالم

كلمات / سامى محمود حنفى